Кардиологтар мен кардиохирургтардың І Аймақтық конференциясы

2014 жылғы 29–30 мамыр

2014 жылғы 29–30 мамырда Достық Үйінде «Павлодар қ. Аймақтық кардиохирургия орталығы» Павлодар облысының денсаулық сақтау басқармасының қатысуымен «Аймақтық кардиологияның және кардиохирургияның болашағы» Кардиологтар мен кардиохирургтардың І Аймақтық конференциясын өткізді.

Конференцияның қонақтары:

• Джошибаев Сейтхан Джошибаевич — профессор, Қазақстан Республикасы Кардиохирургтар Қауымдастығының Төрағасы;
• Абсеитова Сауле Раимбековна — м.ғ.к., доцент, Қазақстан Республикасының бас кардиологы;
• Островский Юрий Петрович — профессор, Беларусь ДСМ-нің штаттан тыс бас кардиохирургы;
• Чеснов Юрий Михайлович — м.ғ.д., Беларусь ДСМ-нің штаттан тыс бас балалар кардиохирургы;
• Курлянская — Елена Константиновна — созылмалы жүрек аурулары зертханасының меңгерушісі, медицина ғылымдарының кандидаты, «Кардиология» РҒТО, Минск қ., Беларусь;
• Рачкаускас Гидеминас — доктор аритмолог, «Сантарижкас» клиникасы, Вильнюс қ., Литва;
• Уинфред Драмбург, доктор Штольберг м., Германия;
• Кахкцян Павел Вараздатович, м.ғ.к., жүрек қақпақшалары және жүрек тамырларының реконструктивті хирургиясы бөлімінің аға ғылыми қызметкері, РМҒА Бакулев атындағы Жүрек-тамыр хирургиясының ғылыми орталығы, Мәскеу қ.;
• Одинцов Виталий — 2-ші кардиохиругиялық бөлімнің кардиохирург-дәрігері, «Кардиология» РҒТО, Минск қ., Беларусь;
• Щетинко Николай — 2-ші кардиохиругиялық бөлімнің кардиохирург-дәрігері, «Кардиология» РҒТО, Минск қ., Беларусь;
• Акильжанова Айнура Рахметуллаевна — м.ғ.д. PhD, Назарбаев университеті, Өмір туралы ғылым орталығы, Астана қ., Қазақстан.

29 мамырда «Павлодар қ. Аймақтық кардиохирургия орталығы» ШЖҚ-дағы РМК негізінде кардиохирургтарға арналған 2 шеберлік-сыныбы өткізілді, облысымызда алғаш рет өткізілді:

• Перикардты жамау арқылы қос жарғақты қақпақшаның алдыңғы жармасына пластика жасау бойынша реконструктивті операция — Кахкцян П.В, м.ғ.к., Мәскеу қ., емделушінің жасы — 48 жас.
• Қарыншааралық қалқа ақауының пластикасынан кейінгі з-жармалы қақпақша пластикасы, м.ғ.д. Чеснов Ю. М., Минск қ., Баланың жасы — 1 жас 7 ай.

30 мамырда Достық үйінде кардиолог, кардиохирург, функциональдық диагностика дәрігерлері, аритмолог, кардиореаниматолог, рентгентамыр хирургтары, терапевтер, Павлодар және Шығыс Қазақстан облыстары, Жамбыл, Қарағанды, Алматы, Астана, Петропавловск, Көкшетау қалалары педиатрларының қатысуымен конференция өткізілді. Барлығы 219 қатысушы тіркелді.

Конференцияны Павлодар облысы әкімінің орынбасары Сәдібеков Ғани Қалыбаевич ашты.

Құттықтау сөздерімен — ҚР ДСМ бас кардиологы Абсеитова С. Р. және ҚР ДСМ Кардиохирургтар Қауымдастығының Төрағасы Джошибаев С. Д. сөз сөйледі. Олар бұл оқиғаның облыс аймақтарындағы кардиология мен кардиохирургия саласында еңбек етіп жүрген мамандар үшін аса зор әрі маңызды болып табылатындығын атап өтті. Әсіресе бұл конференцияға таяу және қиыр шетелдің жетекші мамандарының қатысуы қуантарлық жағдай болды. Мұндай іс-шаралар озық технологиялар саласында тәжірибемен алмасуға, кәсіпқойлық деңгейін арттыруға, медициналық қызметтердің сапасын жақсартуға мүмкіндік береді. Бүгін жақсы дәстүрдің басы қаланды — енді осындай аймақтық конференциялар жылсайынғы іс-шараға айналады.

Кардиологиялық, кардиохирургиялық, реабилитациялық қызметтердің дамуының ең өзекті мәселелері аясында баяндамалар тыңдалды.

Кардиологтар мен кардиохирургтардың І Аймақтық конференциясы өңірлердегі мамандардың сұхбаттасу алаңына айналды, кардиохирургияның дамуындағы жаңа үрдістер мен жүрек-тамыр жүйесінің ауруларын емдеу және диагностикалаудағы жаңа технологиялар туралы білуге мүмкіндік берді.

"Бұл кездесулердің және түрлі өңірлер мен республикалардан келген мамандардың бірегей тәжірибелерімен алмасуының оң нәтижесі өзін ұзақ күттірмейтіні анық ", — деп көрсетті қонақтар.

Іс-шарадан фотосуреттер:

← Барлық оқиғалар